Հայտարարություններ

Հունիս 2, 2020
Պաշտոնական հայտարարություն | Աբրահամ Խաշմանյան

Ուրախ ենք տեղեկացնել, որ անվանի մասնագետ Աբրահամ Խաշմանյանը համալրել է «Լոռի» ՖԱ ղեկավար կազմը՝ ստանձնելով ակումբի հիմնադիր Թովմաս Գրիգորյանի խորհրդականի պաշտոնը։ Աբրահամ Խաշմանյանը գլխավոր մարզչի պաշտոնում աշխատել է հայկական տարբեր ակումբներում։ Մարզել է «Կիլիկիան», «Արարատը», «Գանձասարը»։ Մարզել է նաեւ Հայաստանի Մ19, Մ21 եւ ազգային հավաքականները։ «Ալաշկերտի» ղեկին Խաշմանյանը դարձել է Հայաստանի եռակի չեմպիոն, գավաթակիր եւ…

Հունիս 2, 2020
Պաշտոնական հայտարարություն | Արմեն Սանամյան

Ուրախ ենք տեղեկացնել, որ հայտնի մասնագետ Արմեն Սանամյանը նշանակվել է «Լոռի» ՖԱ գլխավոր մարզչի ժամանակավոր պաշտոնակատար։ Սանամյանն աշխատել է լիբանանյան «Ալ-Նժմեհում», ինչպես նաեւ «Ալաշկերտում», «Գանձասար-Կապանում», «Արցախում» եւ «Սեւանում»։ Արմեն Սանամյանի մարզչական շտաբում են ընդգրկվել Արա Նիգոյանը եւ Աշոտ Գրիգորյանը։ «Լոռի» ՖԱ-ն հաջողություն եւ բեղմնավոր աշխատանք է մաղթում մարզչական անձնակազմին։

Հունիս 2, 2020
Պաշտոնական հայտարարություն | Դավիդ Կամպանյա

Տեղեկացնում ենք, որ իսպանացի մասնագետ Դավիդ Կամպանյայի, ինչպես նաեւ նրա օգնականներ Ֆրանցիսկո Կոմպանի, Խորխե Գոմեսի, Ագուստին Պիրեսի եւ Էնրիկե Խիլի պայմանագրերն ավարտվել են։ Լոռի ՖԱ-ն ստիպված է չերկարաձգել պայմանագրերն իսպանական մարզչական շտաբի հետ, քանի որ COVID-19 վիրուսով պայմանավորված, ամբողջ աշխարհում տիրող իրավիճակի պատճառով Դավիդ Կամպանյայի եւ նրա երկու օգնականների վերադարձը Հայաստան անհնարին է։ Իսպանական մարզչական…

Մայիս 2, 2020
Լոռի ՖԱ՝ 2019 թ․ ֆինանսական հաշվետվությունը

Ներկայացնում ենք Լոռի ֆուտբոլային ակումբի՝ 2019 թվականի ֆինանսական հաշվետվությունը։ Կարող եք ծանոթանալ  ԱՅՍՏԵՂ։

Մարտ 6, 2020
Խոսե Լուիս Գամբոան տեղափոխվեց Լոռի

Ուրախ ենք տեղեկացնել, որ կոլումբացի վինգեր Խոսե Լուիս Գամբոան տեղափոխվել է «Լոռի» ՖԱ։ 19-ամյա ֆուտբոլիստը հանդես է եկել Կոլումբիայի երկրորդ դիվիզիոնի «Բոկա Խունյորս դե Կալի» ակումբում։ Գամբոայի հետ կնքվել է 3 տարվա պայմանագիր։

Մարտ 1, 2020
Միհրան Մանասյանը տեղափոխվեց Լոռի

Ուրախ ենք տեղեկացնել, որ «Լոռի» ՖԱ է տեղափոխվել հայ հարձակվող Միհրան Մանասյանը։ Մանասյանը հանդես է եկել Երեւանի «Փյունիկում», «Ուլիսում», «Ալաշկերտում» եւ «Գանձասար-Կապանում»։ Հայաստանի Բարձրագույն խմբի առաջնությունում մասնակցել է 171 խաղի, դարձել 76 գոլի եւ 28 գոլային փոխանցման հեղինակ։ Մանասյանը Հայաստանի ութակի չեմպիոն է, մեկական անգամ նվաճել է գավաթը եւ սուպեր գավաթը, 3 անգամ դարձել է…

Փետրվար 16, 2020
Ջիաննի Ռոդրիգեսը միացավ Լոռիին

Ուրախ ենք տեղեկացնել, որ «Լոռի» է տեղափոխվել ուրուգվայցի ձախ պաշտպան Ջիաննի Դանիելլե Ռոդրիգես Ֆերնանդեսը։ 25-ամյա ֆուտբոլիստի վերջին ակումբն իսպանական Սեկունդան ներկայացնող «Ալմերիան» էր։ Ռոդրիգեսը հանդես է եկել «Բենֆիկա Բ»-ում, Ուրուգվայի «Պենյարոլ», «Ֆենիքս», «Սուդ Ամերիկա», ինչպես նաեւ արգենտինական «Սան Մարտին» ակումբներում։ «Պենյարոլի» կազմում դարձել է Ուրուգվայի չեմպիոն։ Ռոդրիգեսի հետ կնքվել է մեկ տարվա պայմանագիր։

Փետրվար 10, 2020
Վահագն Այվազյանը տեղափոխվել է Լոռի

Ուրախ ենք տեղեկացնել, որ «Լոռի» է տեղափոխվել Վահագն Այվազյանը։ 27-ամյա ֆուտբոլիստը Դիլիջանի «Իմպուլսում» եւ «Ուրարտուում», ընթացիկ մրցաշրջանի առաջին հատվածն անցկացրել է Օմանի «Ալ-Նասր Սալալահ» ակումբում։ Այվազյանը Հայաստանի չեմպիոն է, գավաթակիր եւ սուպերգավաթակիր։ Նրա հետ կնքված պայմանագիրը նախատեսված է մինչեւ ընթացիկ մրցաշրջանի ավարտը։

Փետրվար 10, 2020
Յերայ Խիմենեսը միացավ Լոռիին

Ուրախ ենք տեղեկացնել, որ «Լոռի» է տեղափոխվել իսպանացի կիսապաշտպան Յերայ Խիմենես Մորենոն։ 24-ամյա ֆուտբոլիստը իսպանական «Կադիսի» սան է։ Հանդես է եկել նաեւ «Ներվիոն», «Ալկալա», «Խերես» ակումբներում։ Խիմենեսի հետ կնքվել է 1 տարվա պայմանագիր։

Փետրվար 9, 2020
Տոդե Ջակովիչը տեղափոխվեց Լոռի

Ուրախ ենք տեղեկացնել, որ «Լոռի» է տեղափոխվել ավստրիացի կենտրոնական պաշտպան Տոդե Ջակովիչը։ 24-ամյա ֆուտբոլիստը հանդես է եկել սերբական «Պարտիզանի» Մ19 եւ Բ թիմերում, ավստրիական Ֆրոնլեյթեն, Վեյց, Դյոչլանդսբերգեր ակումբներում։ Ջակովիչի վերջին թիմը եղել է Սերբիայի առաջին լիգայի «Սմեդերեւոն»։ Ֆուտբոլիստի հետ կնքվել է մեկ տարվա պայմանագիր։