Հայտարարություններ

Մարտ 4, 2019
ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ | Ֆրանցիս Նվանկվո

Տեղեկացնում ենք, որ «Լոռի» ՖԱ ֆուտբոլիստ Ֆրանցիս Նվանկվոն վարձակալական հիմունքներով տեղափոխվել է Հայաստանի Առաջին խումբը ներկայացնող «Յունիոր-Սեւան»: 20-ամյա նիգերիացին «Լոռի» է տեղափոխվել 2018 թվականի օգոստոսի 28-ին: Վանաձորյան ակումբի կազմում մասնակցել է 9 հանդիպման, դարձել 3 գոլի հեղինակ: Նվանկվոն «Յունիոր-Սեւանում» հանդես կգա մինչեւ ընթացիկ մրցաշրջանի ավարտը:

Մարտ 2, 2019
«Լոռի» ՖԱ-ն 2 տարեկան է

Մարտի 2-ին «Լոռի» ֆուտբոլային ակումբը նշում է ծննդյան երկրորդ տարեդարձը: 2017 թվականի մարտի 2-ին գործարար, ՀՖՖ Գործկոմի անդամ Թովմաս Գրիգորյանը հայտարարեց մեծ ֆուտբոլը Լոռու մարզ վերադարձնելու եւ «Լոռիի» վերածննդի մասին: 2017 թվականի օգոստոսին վանաձորյան թիմը սկսեց ելույթները Առաջին խմբի առաջնությունում: 2018 թվականի մայիսին «Լոռին» հռչակվեց Հայաստանի Առաջին խմբի չեմպիոն՝ անցկացրած 27 խաղերից հաղթելով 22 հաղթանակ,…

Փետրվար 21, 2019
ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ | Դարկո Ենոք

Ուրախ ենք տեղեկացնել, որ «Լոռի» ՖԱ-ն 3,5 տարվա պայմանագիր է ստորագրել գանացի հարձակվող Դարկո Ենոքի հետ: 18-ամյա ձախլիկ եզրայինը Գանայի Մ20 հավաքականի անդամ է: «Լոռի» է տեղափոխվել գանական «Գոլդեն Քիք Սպորտս Քլաբից»: Ենոքը «Լոռիում» հանդես կգա 9 համարի մարզահագուստով:

Փետրվար 11, 2019
«Լոռին» ուսումնամարզական հավաք կանցկացնի Անթալիայում

Վանաձորի «Լոռին» փետրվարի 12-ին կմեկնի Անթալիա՝ 13-օրյա ուսումնամարզական հավաք անցկացնելու: Մեր թիմը կբնակվի Miracle 5 աստղանի հյուրանոցում եւ Անթալիայում կանցկացնի 4 ընկերական հանդիպում: Փետրվարի 15-ին մեր մրցակիցը կլինի Դանիայի Առաջին լիգան ներկայացնող «Ֆրեմադ Ամագեր» թիմը: Փետրվարի 18-ին կհանդիպենք ԲԿՄԱ-ի Մ21 տարեկանների թիմին: 2 օր անց կխաղանք ղազախական «Կայրաթի» դեմ: Եվս մեկ հանդիպում ծրագրված է փետրվարի…

Փետրվար 11, 2019
ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ | Վլադիմիր Բաբայան

Ուրախ ենք տեղեկացնել, որ «Լոռին» պայմանագիր է ստորագրել հարձակվողական ոճի կիսապաշտպան Վլադիմիր Բաբայանի հետ: 21-ամյա Բաբայանի համաձայնագիրն ուժի մեջ է մինչեւ ընթացիկ մրցաշրջանի ավարտը: Բաբայանը հանդես է եկել «Բանանցում», «Իմպուլսում», «Ալաշկերտում», «Փյունիկում»: «Լոռի» է տեղափոխվել պորտուգալական «Ալկանենենսե» ակումբից: Վլադիմիրը հանդես է եկել նաեւ Հայաստանի Մ17 հավաքականում:

Փետրվար 11, 2019
ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ | Ալեքսանդրու Օսիպով

Ուրախ ենք տեղեկացնել, որ «Լոռին» պայմանագիր է ստորագրել մոլդովացի երիտասարդ հարձակվող Ալեքսանդրու Օսիպովի հետ: 18-ամյա Օսիպովի համաձայնագիրը նախատեսված է մինչեւ 2019 թվականի դեկտեմբերի 5-ը: Օսիպովը «Լոռի» է տեղափոխվել մոլդովական «Շերիֆից»: Ակումբի Մ19 թիմի կազմում մասնակցել է ՈՒԵՖԱ-ի Երիտասարդների լիգայի (UEFA Youth League) 3 հանդիպման եւ դարձել մեկ գոլային փոխանցման հեղինակ: Օսիպովը նաեւ Մոլդովայի Մ19 հավաքականի…

Փետրվար 8, 2019
Հայկ Իշխանյանը՝ «Լոռիի» ֆուտբոլիստ

Ուրախ ենք տեղեկացնել, որ Հայաստանի հավաքականի պաշտպան Հայկ Իշխանյանը համալրել է «Լոռին»: Իշխանյանի պայմանագիրն ուժի մեջ է մինչեւ մրցաշրջանի ավարտը՝ եւս մեկ տարի երկարաձգելու հնարավորությամբ: 29-ամյա Իշխանյանը հանդես է եկել «Միկայում», «Ալաշկերտում», «Իմպուլսում» եւ «Գանձասար-Կապանում»: Ընդհանուր առմամբ Հայաստանի Բարձրագույն խմբի առաջնությունում անցկացրել է 142 հանդիպում, խփել 7 գոլ եւ կատարել 4 արդյունավետ փոխանցում: Մեր նոր…

Փետրվար 5, 2019
ՊԱՇՏՈՆԱԿԱՆ ՀԱՅՏԱՐԱՐՈՒԹՅՈՒՆ | Արման Մկրտչյան

Ուրախ ենք տեղեկացնել, որ «Լոռիի» պաշտպան Արման Մկրտչյանը երկարաձգել է պայմանագիրը վանաձորյան ակումբի հետ: 19-ամյա ֆուտբոլիստի նոր համաձայնագիրը նախատեսված է մինչեւ 2020 թվականի հունիսի 1-ը: Մկրտչյանը «Լոռիում» է 2017 թվականի օգոստոսի մեկից: Մեր թիմի մարզաշապիկով մասնակցել է 30 խաղի, դարձել երեք գոլային փոխանցման հեղինակ: Արման Մկրտչյանը 2018-ի նոյեմբերին հրավիրվել էր Հայաստանի երիտասարդական հավաքական:

Հունվար 13, 2019
Վահե Գեւորգյանը համալրել է «Լոռիի» մարզչական շտաբը

Վահե Գեւորգյանը համալրել է Արթուր Պետրոսյանի մարզչական շտաբը: Գեւորգյանի պայմանագիրն ուժի մեջ է մինչեւ ընթացիկ մրցաշրջանի ավարտը՝ երկարաձգելու հնարավորությամբ: Գեւորգյանը 2016-17 թթ. աշխատել է «Բանանց-2»-ում՝ որպես գլխավոր մարզիչ, եւ դարձել Հայաստանի Առաջին խմբի չեմպիոն: 2018 թվականին աշխատել է Երեւանի «Լոկոմոտիվում»: «Լոռի» ՖԱ-ն հաջողություն եւ բազմաթիվ հաղթանակներ է մաղթում Գեւորգյանին:

Հունվար 13, 2019
Ռազմիկ Գրիգորյանը՝ գլխավոր մարզչի առաջին օգնական

Ռազմիկ Գրիգորյանը համալրել է «Լոռիի» մարզչական շտաբը՝ որպես գլխավոր մարզչի առաջին օգնական: Գրիգորյանի պայմանագիրը նախատեսված է մինչեւ ընթացիկ մրցաշրջանի ավարտը՝ երկարաձգելու հնարավորությամբ: Գրիգորյանը 2006-07 թթ. աշխատել է Երեւանի «Ուլիսում»,  2007-09 թթ.՝ «Արարատում»: Մարզչական կարիերան վերսկսել է 2016 թվականին՝ Արթուր Պետրոսյանի հետ աշխատանքի անցնելով Հայաստանի ազգային հավաքականում: 2018 թվականի հուլիսից մինչեւ դեկտեմբեր աշխատել է «Արարատ-Արմենիայում»: «Լոռի»…